CHILLTALK
老闆有話兒 之 「為愛而生」
凍乾蔬果比肉類更難做，因為凍乾肉類對原材料要求比蔬果低好多，就算係「邊料、頭頭尾尾」，只要處理得好就可以，但蔬果天然種出嚟，批批唔同樣，唔切開食亦唔知甜定酸，只要原材料稍為差啲，出嚟都會完全DQ。而且不加糖嘅凍乾蔬果，回潮速度係肉類嘅10幾20倍。好多人都問過我，到底香港而家咁嘅經濟環境，啲電費又貴成咁，做一機凍乾閒地3、40個鐘，點解仲要冒險成副身家投資去做凍乾？答案係「愛」。 令我想盡辦法做凍乾蔬果嘅，係我寶貝女，一隻金頭凱克鸚鵡。令我將凍乾蔬果帶俾更多毛小孩嘅，係2隻狗，一隻10幾歲長期要減肥嘅長毛芝娃娃、一隻陪咗我足足20年，由未考會考陪我人到中年嘅短毛芝娃娃。令我將凍乾帶俾人仔小朋友嘅，係一個資優高敏又Sugar-High嘅姨甥女，佢地全部都係我的最愛，係我嘅心肝寶貝、我條命根。<<鸚鵡篇>>記得嗰日，當醫生同我講，佢懷疑我只有半歲大嘅寶貝女，一隻金頭凱克 ，患上PDD嘅時候，我表現得好冷靜，但內心深處，我個世界完全崩塌🥺我記得我返到屋企，開始瘋狂做Research、通宵達旦咁爬文，市面上可以買嚟試嘅產品，無論喺世界邊個角落，訂得嘅我都買哂返嚟，結果大部份個女都唔食，一係一食就嘔、消化唔到。見住佢體重跌到唔夠3位數，食乜都唔長肉，心急如焚，上手摸到佢個好誇張嘅刀胸，諗返起果種心痛，真係呢刻寫緊呢篇，都滴得出眼淚😢直到見到有台灣雀友分享，佢嘅經驗係，「鮮食是PDD的唯一出路」，我個世界完全係雷電交加一樣，係咁劈落嚟，因為我個女係完全唔肯❌掂任何有水份嘅食物😩佢日日掉，我日日切，佢再掉，我再切，重覆又重覆，每次見佢唔食倒哂，笑住同佢講，「唔緊要，媽媽試下其他」，又返入廚房切，喊住切切切，各種切粒切條、各種尺寸，希望佢當foot toy揸住玩果陣食到一啖得一啖，但食到果幾啖都仲要唔嘔、消化到、大便ok，先叫有意義。嚟到呢到，我相信有同樣經驗嘅家長，先體會到果種心情😖切咗成個月，毫無進展，真係唔係辦法，開始諗「脫水」，最初試低溫風乾，成功咗，啊女肯食，但醫生話未係最好嘅方案，因為低溫始終係煮熟咗，蔬果煮一陣都已經營養流失，何況脫水烘住幾十個鐘😔然後我搵到冷凍脫水(簡稱FD)，醫生認同係最理想方案。但市場上，寵物嘅FD食品肉類居多，純蔬果嘅少之又少，仲要唔加糖嘅更少，因為凍乾水果，加糖嘅目的除咗係好食啲之外，主要作用係減慢回潮，延長保質期。但係加咗糖，啊女唔食得，試咗好多無糖嘅產品，又有發酵味，唔敢俾啊女食😣 而且通常得生果，無人整蔬菜，因為無市場價值🥹最後，啊媽我救女心切，把心一橫自己整，就係咁，踏上我嘅凍乾之路。。。終於努力一年，啊女由每日打針食藥，到可以正常生活，體重突破性增長之餘亦keep得住，驗血報告慢慢靚仔哂，所以，我毅然決定將凍乾帶俾更多有需要嘅羽小孩。如果因為認識咗我地，幫到你地嘅毛小孩、羽小孩健康得到改善、食到更多元飲食、成功增磅等等，請唔好吝嗇俾一個大大嘅擁抱我哋，呢一段路好難行，好需要支持及動力。🥹（其他未完待續。。。）
老闆有話兒 之 「為愛而生」
凍乾蔬果比肉類更難做，因為凍乾肉類對原材料要求比蔬果低好多，就算係「邊料、頭頭尾尾」，只要處理得好就可以，但蔬果天然種出嚟，批批唔同樣，唔切開食亦唔知甜定酸，只要原材料稍為差啲，出嚟都會完全DQ。而且不加糖嘅凍乾蔬果，回潮速度係肉類嘅10幾20倍。好多人都問過我，到底香港而家咁嘅經濟環境，啲電費又貴成咁，做一機凍乾閒地3、40個鐘，點解仲要冒險成副身家投資去做凍乾？答案係「愛」。 令我想盡辦法做凍乾蔬果嘅，係我寶貝女，一隻金頭凱克鸚鵡。令我將凍乾蔬果帶俾更多毛小孩嘅，係2隻狗，一隻10幾歲長期要減肥嘅長毛芝娃娃、一隻陪咗我足足20年，由未考會考陪我人到中年嘅短毛芝娃娃。令我將凍乾帶俾人仔小朋友嘅，係一個資優高敏又Sugar-High嘅姨甥女，佢地全部都係我的最愛，係我嘅心肝寶貝、我條命根。<<鸚鵡篇>>記得嗰日，當醫生同我講，佢懷疑我只有半歲大嘅寶貝女，一隻金頭凱克 ，患上PDD嘅時候，我表現得好冷靜，但內心深處，我個世界完全崩塌🥺我記得我返到屋企，開始瘋狂做Research、通宵達旦咁爬文，市面上可以買嚟試嘅產品，無論喺世界邊個角落，訂得嘅我都買哂返嚟，結果大部份個女都唔食，一係一食就嘔、消化唔到。見住佢體重跌到唔夠3位數，食乜都唔長肉，心急如焚，上手摸到佢個好誇張嘅刀胸，諗返起果種心痛，真係呢刻寫緊呢篇，都滴得出眼淚😢直到見到有台灣雀友分享，佢嘅經驗係，「鮮食是PDD的唯一出路」，我個世界完全係雷電交加一樣，係咁劈落嚟，因為我個女係完全唔肯❌掂任何有水份嘅食物😩佢日日掉，我日日切，佢再掉，我再切，重覆又重覆，每次見佢唔食倒哂，笑住同佢講，「唔緊要，媽媽試下其他」，又返入廚房切，喊住切切切，各種切粒切條、各種尺寸，希望佢當foot toy揸住玩果陣食到一啖得一啖，但食到果幾啖都仲要唔嘔、消化到、大便ok，先叫有意義。嚟到呢到，我相信有同樣經驗嘅家長，先體會到果種心情😖切咗成個月，毫無進展，真係唔係辦法，開始諗「脫水」，最初試低溫風乾，成功咗，啊女肯食，但醫生話未係最好嘅方案，因為低溫始終係煮熟咗，蔬果煮一陣都已經營養流失，何況脫水烘住幾十個鐘😔然後我搵到冷凍脫水(簡稱FD)，醫生認同係最理想方案。但市場上，寵物嘅FD食品肉類居多，純蔬果嘅少之又少，仲要唔加糖嘅更少，因為凍乾水果，加糖嘅目的除咗係好食啲之外，主要作用係減慢回潮，延長保質期。但係加咗糖，啊女唔食得，試咗好多無糖嘅產品，又有發酵味，唔敢俾啊女食😣 而且通常得生果，無人整蔬菜，因為無市場價值🥹最後，啊媽我救女心切，把心一橫自己整，就係咁，踏上我嘅凍乾之路。。。終於努力一年，啊女由每日打針食藥，到可以正常生活，體重突破性增長之餘亦keep得住，驗血報告慢慢靚仔哂，所以，我毅然決定將凍乾帶俾更多有需要嘅羽小孩。如果因為認識咗我地，幫到你地嘅毛小孩、羽小孩健康得到改善、食到更多元飲食、成功增磅等等，請唔好吝嗇俾一個大大嘅擁抱我哋，呢一段路好難行，好需要支持及動力。🥹（其他未完待續。。。）